Zain dauzkat hor arrats eta goiz guztiak dio mohamed xukrik bere hutsegiteen garaian, eta nik ere zain neuzkan nire lehen bidaia hartako arrats eta goiz guztiak, non, medinako kalexka estuak, beste garai bateko jendea, hizkuntza arrotzak, basamortua, nomaden urratsak eta deslekuak kausitu nituen. gerora, marokora itzuli naizen bakoitzean, zain izan ditut, atlas mendikate elurtua, mendi azokak, oasiak, gauaz haraindiko palmondoak, mila eta bat alfonbren koloreak,... eta mendafin usaineko iluntzeak. egunsenti urdinez jantziko naiz bihar goizean. zapaten tristura paseatzera atera, desertatu egunerokotik, eta udazkeneko hostoen gisa, ur gainean bidaiatu urrutira.
